Alüminium lamelli horizontal jalüzlər – ən tanınmış və populyar jalüz növüdür. Bu ən davamlı və uzunömürlü jalüzdür, çünki alüminium köhnəlmir və rütubətə qarşı dayanıqlıdır. Alüminium lamellər parlaq günəşdə solmayan və işığı əks etdirən xüsusi boya ilə rənglənmişdir.
  Lamellər öz oxu ətrafında asanlıqla fırlanır və işıq axınını optimal şəkildə tənzimləyir, qapalı olduqda isə günəş işığını və ultrabənövşəyi şüaları maksimal surətdə əks etdirirlər.
  Horizontal jalüzlər xüsusi qulluq tələb etmir. Adi sabun məhlulundan istifadə etməklə alüminium lamelləri təmizləmək olar. Bu səbəbdən horizontal jalüzləri yüksək gigiyena tələb edən məkanlarda, məsələn mətbəxdə, vanna otağında, klinikalarda və s. istifadə etmək mümkündür.
  Müxtəlif rəng calarları sayəsində horizontal jalüz istənilən interyerdə istifadə oluna bilər: evlərdə, ofislərdə, biznes mərkəzlərdə, təhsil və tibb müəssisələrində və istehsal obyektlərində.