Jalüzlərin
Doğru Məkanı

  Klassik pərdələr və müasir jalüzlər arasında seçim etmək bəzən çox çətin olur. Çünki biz eyni zamanda həm pərdələrə xas olan gözəlik və incəliyə, həm də jalüzlərə xas olan funksionallıq və praktikliyə sahib olmaq istəyirik. Tül jalüz klassik pərdələrin gözəllik və zərifliyi ilə jalüzlərin mükəmməl funksionallığını özündə cəmləşdirir.
  Tül jalüzlər etibarlı mexanizmlə idarə olunur və onları asanlıqla sağa və sola yığmaq olur. Lamelləri açıb və ya tamamilə bağlamaqla isə 95% -ə qədər gün işığının qarşısını almaq mümkündür. Tül jalüzlər lamellərin vəziyyətindən asılı olaraq fərqli görünür. Lamellər açıq, yəni pəncərəyə perpendikulyar olduqda yüngül tülə, bağlı olduqda isə qalın pərdəyə bənzəyirlər.
  Tülün müxtəlif rənglərinin uzlaşması ən komfortlu ev, mənzil, kottec, ofis, mehmanxana otaqlarının gözəl bəzədilməsinə imkan verir. Dekor üçün rəngbərəng və ya sadə, bir rəngli lamellərdən istifadə etmək olar.
  Tül jalüzlərə qulluq etmək çox asandır. Tülü adi qaydada, yəni əllə və ya paltaryuyan maşında, zərif rejimdə yumaq mümkündür.
  Tül jalüz – həqiqətən də gözəl, rahat, dəbli və mükəmməldir!